Boruto និងមិត្តភក្ដិរបស់គេកំពុងព្យាយាមប្រឡងចេញពី Ninja Academy ដើម្បីក្លាយជា Shinobi។ វិញ្ញាសាសរសេរដៃដំបូងគឺហាក់បីដូចជាងាយស្រួលសម្រាប់ពួកគេ, ប៉ុន្តែអ្វីដែលជាបញ្ហានោះគឺការដណ្ដើមកណ្ដឹងពី Kakashi។ ហើយបន្ទាប់ពីនេះ Boruto: Naruto Next Generations នឹងនិយាយអំពីរឿងរ៉ាវរបស់ Mitsuki និងមូលហេតុដែលគេមករស់នៅក្នុង Konoha។ ឥឡូវនាំគ្នាមកមើលពីដំណើររឿងនិងកាលបរិច្ឆេទផ្សេងៗនៅខាងក្រោម។
បម្រាម ៖ អត្ថបទខាងក្រោមនឹងមាន SPOILERS!
កាលវិភាគ BORUTO: NARUTO NEXT GENERATIONS ខែវធ្នូ
▪វគ្គទី៣៧ (១៣ ធ្នូ) "A Shinobi’s Resolution - ដំណោះស្រាយរបស់ Shinobi"
Boruto ជាអ្នកដំបូងដែលបានរកឃើញទីតាំងនិងវាយជាមួយគ្រូប្រឡង Kakashi, ប៉ុន្តែត្រូវបាន Kakashi ទប់ទល់បានយ៉ាងងាយ។ មិនត្រឹមតែប៉ុណ្ណោះ Kakashi ថែមទាំងរិះគន់ Boruto និងមិត្តរួមថ្នាករបស់គេទៀតផងដែលធ្វើឱ្យ Boruto អាក់អន់ស្រពន់ចិត្ត។ ប៉ុន្តែក្រោយមក មិត្តរួមថ្នាក់របស់ Boruto បានមកដល់ ហើយបានជួយ Boruto គេចចេញពី Kakashi ទៀតផង។ ចំណែកឯ Boruto នៅតែមានអារម្មណ៍បាក់ទឹកចិត្តដដែល, ដូច្នេះមិត្តភក្តិរបស់គេនាំគ្នាលើកទឹកចិត្ត ហើយ Boruto ក៏ត្រឡប់មកសភាពដើមវិញ។
▪វគ្គទី៣៨ (២០ ធ្នូ) "Formation, Three Men Cells - ក្បួនទម្រង់, ក្រុមដែលមានមនុស្ស៣នាក់"
Boruto និងមិត្តភក្តិរបស់គេបានប្រឡងជាប់ក្លាយជា Shinobi ហើយ ដែលជំហានដំបូងរបស់ពួកគេគឺ Genin។ ជាដំបូងពួកគេត្រូវមានក្រុមជាមុនសិនក្នុងដំណើរបេសកកម្មរបស់ពួកគេដែលមានគ្នាបីនាក់។ Boruto ចង់នៅក្រុមជាមួយ Shikadai ដែលជាមិត្តភក្តិស្និទ្ធស្នាលរបស់គេ តែ Shikadai ត្រូវចូលក្រុមជាមួយ Inojin និង Chocho, ព្រោះគេត្រូវដើរតាមគន្លងពូជពង្សរបស់គេគឺ 'InoShikaCho'។ ក្រោយមក Boruto ក្លាយជាមិត្តរួមក្រុមរបស់ Sarada និង Mitsuki...។
▪វគ្គទី៣៩ (២៧ ធ្នូ) "The Path Illuminated by the Full Moon - ផ្លូវដែលបានបំភ្លឺដោយពន្លឺនៃព្រះច័ន្ទពេញវង់"
Mitsuki គឺជាអ្នកមកពីភូមិផ្សេងគឺ Hidden Sound។ ក្រោយពីបានជួប Boruto និងអ្នកដទៃ, Mitsuki បានសម្រេចចិត្តស្នាក់នៅភូមិ Hidden Leaf និងក្លាយជា shinobi នៅទីនោះ។ នៅក្នុងអតីតកាល Mitsuki បានបាត់ការចងចាំហើយគេមិនស្គាល់ពីអត្តសញ្ញាណរបស់គេឡើយ, គេគ្រាន់តែដឹងថាគេភ្ញាក់ឡើងក្នុងបន្ទប់ពិសោធន៍មួយដ៏ចម្លែក។ រឿងរ៉ាវដ៏អាថ៌កំបាំងជាច្រើនកើតឡើងជុំវិញខ្លួន Mitsuki ដែលធ្វើឱ្យគេនឹងស្វែងយល់ពីរឿងទាំងអស់នេះ!
▪វគ្គទី៤០ (០៧ មករា) "Team 7: First Mission!! - បេសកកម្មដំបូងរបស់ក្រុមទី៧!!"
គ្មានការសង្ខេប
Anime Boruto នឹងឈប់សម្រាកនៅថ្ងៃទី៣ ខែមករា ២០១៨, ដូចនេះមិនមានការចាក់ផ្សាយនោះទេនៅសប្ដាហ៍នោះ។
សម្គាល់: កាលបរិច្ឆេទខាងលើគឺត្រឹមត្រូវដូចការកំណត់។ ប៉ុន្តែចំណងជើងអាចនឹងផ្លាស់ប្ដូរនៅពេលរឿងចេញផ្សាយជាផ្លូវការណ៍ដោយ Viz Media ។
អរគុណអ្នកទាំងអស់គ្នាសម្រាប់ការអាន។ សង្ឃឹមថាអ្នកទាំងអស់គ្នាពេញចិត្ត។ តាមដាន Blog និង Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗបន្ថែមទៀត។ ជួបគ្នាពេលក្រោយ!
អត្ថបទរៀបរៀង និងរក្សាសិទ្ធិដោយ Anime Lab Cambodia
