១៥ចំណុចការពិតអំពី JIRAIYA

សួស្ដីប្រិយមិត្តអ្នកអានទាំងអស់គ្នា! ថ្ងៃនេះប្រធានបទរបស់យើងនឹងនិយាយអំពី១៥ចំណុចការអំពី Jiraiya។ Jiraiya គឺជាតួអង្គដ៏អស្ចារ្យមួយនៅក្នុង Naruto ហើយក៏មានអ្នកគាំទ្រជាច្រើនគោរពស្រឡាញ់លោកដែរ។ ពេលនេះយើងនឹងស្វែងយល់បន្ថែមអំពីគាត់។

១៥ចំណុចការពិតអំពី JIRAIYA

១. Jiraiya មានថ្ងៃកំណើតទី១១ វិច្ឆិកា ក្នុងតារានិករ Scorpio។ គាត់មានប្រភេទB, កម្ពស់១៩១.២ស.ម, និងទម្ងន់៨៧.៥គីឡូក្រាម។

២. ម្ហូបដែល Jiraiya ចូលចិត្តគឺជ្រក់ខ្ទឹមសលាយជាមួយស្លឹកបាស៊ីលរបស់ជប៉ុន និងមាន់បំពង, ចំណែកម្ហូបដែល Jiraiya មិនសូវចូលចិត្តគឺផ្លែគីវី (Kiwi) និងហ្ក្រាទីន (Gratin)។

៣. ពាក្យដែល Jiraiya ចូលចិត្តនិយាយគឺ "Free and Uninhibited/ទំនេរ និងដែលមិនចេះទប់"។

៤. Jiraiya គឺជាតួអង្គដែលមានប្រជាប្រិយភាពគួរសមដែរនៅក្នុង Naruto។ ក្នុងការបោះឆ្នោតតួអង្គដ៏មានប្រជាប្រិយភាពក្នុងរឿង Naruto ជាផ្លូវការណ៍ពីអ្នកគាំទ្រ គាត់ទទួលបានលទ្ធផល ៖

   - លើកទី១ មិនមានឈ្មោះចូលរួម
   - លើកទី២ បានចំណាត់ថ្នាក់លេខ១០ ជាមួយ ៥០៣សម្លេង
   - លើកទី៣ មិនមានឈ្មោះចូលរួម
   - លើកទី៤ បានចំណាត់ថ្នាក់លេខ១១  ជាមួយ ១២៣៥សម្លេង
   - លើកទី៥ បានចំណាត់ថ្នាក់លេខ២៣ ជាមួយ ៣១៧សម្លេង
   - លើកទី៦ មិនមានឈ្មោះចូលរួម
   - លើកទី៧ បានចំណាត់ថ្នាក់លេខ១៦ ជាមួយ ១៧២៣សម្លេង។

៥. អត្ថលេខចុះឈ្មោះចូលរៀននៅ Ninja Academy របស់ Jiraiya គឺ ០០២៣០១។ គាត់បានប្រឡងជាប់ចេញពី Ninja Academy នៅអាយុ៦ឆ្នាំ។

៦. ស្ថិតិរបស់ Jiraiya នៅក្នុងសៀវភៅទិន្នន័យគឺបានអត្រាកម្រិត ៣៥.៥/៤០, ជាមួយនឹងការប្រើយុទ្ទសិស្ប៍ Ninjutsu ៥/៥, ការប្រើក្បាច់គុណ Taijutsu ៤.៥/៥, ការប្រើប្រាស់ Genjutsu ៣/៥, ភាពវៃឆ្លាត ៤.៥/៥, កម្លាំង ៤.៥/៥, ល្បឿន ៤.៥/៥, ភាពកំណត់នៃអានុភាព ៥/៥, និងល្បឿននៃដៃក្នុងការប្រើក្បាច់ ៤.៥/៥ ។

៧. Jiraiya អាចប្រើធាតុរបស់ Chakra បាន៤ធាតុគឺ ធាតុភ្លើង ទឹក ដី និងខ្យល់ រួមទាំង Yin Release និង Yang Release។

៨. Jiraiya គឺជាអ្នកដែលបានបំពេញបេសកកម្មច្រើនជាងគេបំផុតនៅក្នុងរឿង Naruto។ គាត់បានបំពេញបេសកកម្មសរុបចំនួន១៨៣៩ជាផ្លូវការណ៍ ដែលក្នុងនោះមាន ៖

   - លំដាប់ D ចំនួន ៥៨
   - លំដាប់ C ចំនួន ៣៤៥
   - លំដាប់ B ចំនួន ៦៨៤
   - លំដាប់ A ចំនួន ៦១៤
   - លំដាប់ S ចំនួន ១៣៨។

៩. Jiraiya ត្រូវបានគេស្គាល់ថា Toad Sage (蝦蟇仙人, Gama Sennin), The Village's Madness (里の狂気, Sato no Kyōki), Perverted Hermit (エロ仙人, Ero-sennin, English TV:Pervy Sage), និងជាសមាជិកនៃ Legendary Sannin។

១០. និមិត្តសញ្ញាដែល Jiraiya ពាក់លើថ្ងាសគឺជាអក្សរជប៉ុន (Kanji) មានន័យថា "ប្រេង/ 油"។ វាជានិមិត្តសញ្ញានៃ Mount Myōboku, ជាកន្លែងដែល Jiraiya ហាត់ Sage Mode ពីគីង្គក់។

១១. Jiraiya មានការចងចាំដ៏អស្ចារ្យ, ដែលគាត់អាចប្រើលេខកូដឆ្លាក់លើខ្នងគីង្គក់ដើម្បីសម្គាល់ Pain, ដោយប្រើសៀវភៅ Icha Icha Tactics របស់គាត់, ចំណាំពាក្យដំបូងនៅក្នុងទំព័រណាមួយ។

១២. Jiraiya បានបដិសេធក្នុងការក្លាយជា Hokage ៣លើក, ដែលលើកទី១ នៅពេលដែលបញ្ចប់សង្គ្រាមលោក Ninja លើកទី៣, គ្រា Hiruzen ចង់ចូលនិវត្ត, ហើយចង់ឱ្យ Jiraiya ក្លាយជា Hokage ទី៤, តែត្រូវបាន Jiraiya បដិសេធ។ លើកទី២ នៅពេលដែល Minato ស្លាប់, Hiruzen បានស្នើសុំ Jiraiya ម្ដងទៀត, តែត្រូវបាន Jiraiya បដិសេធ។ ហើយលើកទី៣, នៅពេលដែល Hiruzen ស្លាប់, គេហៅ Jiraiya ឱ្យធ្វើជា Hokage ទី៥, ចម្លើយរបស់គាត់គឺនៅតែមិនយល់ព្រមដដែល។ មូលហេតុដែល Jiraiya មិនយល់ព្រមក្លាយជា Hokage គឺ គាត់ចង់មានសេរីភាព, ធ្វើដំណើរ, សរសេរសៀវភៅ, និងស្វែងរក The Child of Prophecy ដែលជាកុមារត្រូវបានគេទាយថានឹងផ្លាស់ប្ដូរពិភពលោកមករកសន្តិភាព។

១៣. កូនសិស្សសំខាន់ៗរបស់ Jiraiya ៥នាក់គឺ Yahiko, Nagato, Konan, Minato, និង Naruto សុទ្ធតែជាអ្នកដឹកនាំនៅប្រទេសរៀងៗខ្លួន។

១៤. សៀវភៅដំបូងរបស់ Jiraiya គឺ "Tale of the Ultterly Gusty Shinobi"។ សៀវភៅនេះត្រូវបានសរសេរឡើងនាពេលដែល Jiraiya នៅ Hidden Rain បង្ហាត់ Yahiko, Nagato, និង Konan។ Minato បានអានសៀវភៅនេះហើយក៏បានដាក់ឈ្មោះកូនរបស់ខ្លួនតាមតួអង្គឯកក្នុងសៀវភៅនោះគឺ Naruto។

១៥. ឈ្មោះរបស់ Jiraiya 自来也 គឺយកឈ្មោះតាមតួអង្គក្នុងរឿងនិទានកថារបស់ជប៉ុនគឺ "The Tale of the Gallant Jiraiya" (Jiraiya Gōketsu Monogatari), ដែលនៅក្នុងរឿងនិទាននោះ Jiraiya អាចហៅគីង្គក់យក្ស និងអាចប្រើយុទ្ធសិល្ប៍គង្គក់។

នេះជា១៥ចំណុចការពិតអំពី Jiraiya។ តើអ្នកទាំងអស់គ្នាបានដឹងអ្វីថ្មីទេ? អរគុណសម្រាប់ការអាននិងគាំទ្រ! សង្ឃឹមថាអ្នកទាំងអស់គ្នាពេញចិត្ត។ ពួកយើងនឹងបន្តលើកយករឿងរ៉ាវតួអង្គ Anime ផ្សេងៗមកនិយាយបន្ថែមទៀត។ ចុច Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗទៀត។ ជួបគ្នាពេលក្រាយ!

អត្ថបទរៀបរៀង និងរក្សាសិទ្ធិដោយ Anime Lab Cambodia