Hidden Mist Arc ត្រូវបានបញ្ចប់ហើយនៅក្នុង Boruto: Naruto Next Genenrations កាលពីសប្ដាហ៍មុននេះ។ ចាប់ពីខែវិច្ឆិកានេះទៅ យើងនឹងចាប់ផ្ដើមជាមួយនឹងដំណើររឿងថ្មី។ ហើយការប្រឡងក្លាយជា Genin នឹងជិតមកដល់ហើយចំពោះ Boruto និងមិត្តភក្ដិរបស់គេ។ ឥឡូវនាំគ្នាមកមើលពីដំណើររឿងនិងកាលបរិច្ឆេទផ្សេងៗនៅខាងក្រោម។
បម្រាម ៖ អត្ថបទខាងក្រោមគឺមាន SPOILERS!
កាលវិភាគ BORUTO: NARUTO NEXT GENERATIONS ខែវិច្ឆិកា
▪ វគ្គទី៣២ (០៨ វិច្ឆិកា) "Sovenir Quest - ដំណើរស្វែងរកវត្ថុអនុស្សាវរីយ៍"
ដំណើរកម្សាន្តត្រូវបានបញ្ចប់។ Boruto ត្រឡប់ទៅភូមិរបស់ខ្លួនវិញ។ ប៉ុន្តែ Himawari ងរហើយខឹងចំពោះ Boruto ពេលគេត្រឡប់មកវិញ។ Himawari ចង់បានកាដូពី Boruto, ប៉ុន្តែ Boruto ភ្លេចឱ្យឈឹង!
▪ វគ្គទី៣៣ (១៥ វិច្ឆិកា) "Slump!! Super Beast Imitating Drawing - ការរលាយធ្លាក់! ក្បាច់សត្វដែលធ្វើតម្រាប់តាមចេញពីគំនូរ"
ដោយសារតែ Inojin Yamanaka ចូលចិត្តគូររូបតាំងពីក្មេងមក, ក្បាច់ Super Beast របស់គេកាន់តែអស្ចារ្យ។ ប៉ុន្តែនៅថ្ងៃមួយ គេស្រាប់តែមិនអាចប្រើក្បាច់របស់គេបាន។ Inojin ហាក់ដូចជាមានអារម្មណ៍ច្របូកច្របល់ ហើយបានទៅសួរឪពុករបស់គេ, Sai។ ប៉ុន្តែ Sai មិនប្រាប់អ្វីទៅ Inojin សោះ។ ក្រោយមក Sai បានឱ្យ Inojin ទៅចូលរួមការប្រកួតប្រជែងគូរគំនូរ។
▪ វគ្គទី៣៤ (២២ វិច្ឆិកា) "The Night of Falling Stars - យប់មួយដែលមានផ្កាយធ្លាក់"
ដើម្បីចាប់បានត្រីដ៏អស្ចារ្យ "Eiengoi", ដែលត្រូវបានគេនិយាយតៗគ្នាថា ៖ "ត្រីនេះមានឱជារសឈ្ងុយឆ្ងាញ់, ញ៉ាំហើយនឹងចាំរសជាតិវាជារៀងរហូត", Boruto បានណាត់មិត្តភក្ដិរបស់គេបោះជំរុំ។ គ្រានេះវាហាក់ដូចជាការជួបជុំរបស់ពួកគេលើកចុងក្រោយហើយមុននឹងប្រឡងចេញពី Ninja Academy, ពួកគេចង់បង្កើតការចងចាំនិងអនុស្សាវរីយ៍ផ្សេងៗ។ Boruto បានសម្រេចចិត្តនឹងចាប់ត្រី Eiengoi ឱ្យបានទោះបីជាត្រូវប្រើអ្វីក៏ដោយ។
▪ វគ្គទី៣៥ (២៩ វិច្ឆិកា) "The Tripartite Meeting!! - ការប្រជុំនៃត្រីភាគី"
មុនការប្រឡងបញ្ចប់វគ្គសិក្សាពី Ninja Academy, ពួកគេបានធ្វើការប្រជុំនៃត្រីភាគីមួយ, ដើម្បីវាយតម្លៃសិស្សអំពីការសិក្សា និងការសម្រេចចិត្តឱ្យពួកគេជាប់ឬធ្លាក់។ ចំណែកឯ Boruto ត្រូវបានគេសរសើរថាបានប្រើក្បាច់របស់ Ninja ផ្សេងៗបានល្អ, ប៉ុន្តែត្រូវបានគេរិះគន់ថាមិនសូវយកចិត្តទុកដាក់និងមិនសូវខំប្រឹងប្រែងសិក្សានៅក្នុងថ្នាក់, ដែលគេគ្មានគោលដៅចង៉ក្លាយជា Shinobi។ ក្រោយមក Boruto បានជួបជាមួយ Sukea, ដែលជាអ្នកសារព័ត៌មានក្រៅក្របខ័ណ្ឌ, បានមកសម្ភាស៍សិស្សដែលនឹងត្រូវប្រឡងឡើងថ្នាក់។ Sukea បានកត់សម្គាល់ភាពមិនខ្វល់ខ្វាយរបស់ Boruto ក្នុងការក្លាយជា Shinobi, ក៏បានណែនាំនិងផ្ដល់ដំបូន្មានខ្លះៗទៅគេ។
▪ វគ្គទី៣៦ (០៦ ធ្នូ) "Graduation Examinations Begin!! - ការចាប់ផ្ដើមនៃការប្រឡងបញ្ចប់ការសិក្សា!!"
ការប្រឡងបញ្ចប់ការសិក្សាឈានចូលមកដល់ហើយ! ការប្រឡងវគ្គទី១ត្រូវបានបញ្ចប់, Boruto បានហៅមិត្តភក្ដិរបស់គេសាកតេស្តសមត្ថភាពលេងៗ។ ការប្រឡងនេះនឹងមានការបញ្ចូល "តេស្តយកកណ្ដឹង" ពី Hokage ទី៦, Kakashi Hatake, និងគ្រូដទៃទៀតនៅទីនោះ។
សម្គាល់: កាលបរិច្ឆេទខាងលើគឺត្រឹមត្រូវដូចការកំណត់។ ប៉ុន្តែចំណងជើងអាចនឹងផ្លាស់ប្ដូរនៅពេលរឿងចេញផ្សាយជាផ្លូវការណ៍ដោយ Viz Media ។
អរគុណអ្នកទាំងអស់គ្នាសម្រាប់ការអាន។ សង្ឃឹមថាអ្នកទាំងអស់គ្នាពេញចិត្ត។ តាមដាន Blog និង Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗបន្ថែមទៀត។ ជួបគ្នាពេលក្រោយ!
អត្ថបទរៀបរៀង និងរក្សាសិទ្ធិដោយ Anime Lab Cambodia
