សួស្ដីប្រិយមិត្តអ្នកអានទាំងអស់គ្នា! ថ្ងៃនេះ យើងជួបគ្នាជាមួយប្រធានបទថ្មី ដែលនិយាយអំពី ១២ចំណុចការពិតអំពី Uryū Ishida នៅក្នុង Anime Bleach។ Uryū Ishida គឺជា Quincy ដែលរស់នៅក្នុង Karakura Town។ គេជាគ្រូពេទ្យម្នាក់នៅ Karakura Town និងជាមិត្តរបស់ Ichigo Kurosaki។ ឥឡូវនាំគ្នាមកស្វែងយល់បន្ថែមអំពីគេ។
ចំណាំ ៖ អត្ថបទនេះអាចនឹងមានកំហុស ពីព្រោះខ្ញុំមិនទាន់បានបញ្ចប់ Bleach នៅឡើយ។ ប្រសិនជាមានអ្នកចង់ជួយខ្ញុំធ្វើអត្ថបទ Bleach អាចទំនាក់ទំនងមក Page យើងបាន!
១២ចំណុចការពិតអំពី Uryū Ishida ៖
១. Uryū Ishida មានថ្ងៃកំណើតទី០៦ វិច្ឆិកា ក្នុងតារានិករ Scorpio។ គេមានប្រភេទឈាម AB, កម្ពស់១៧៧ស.ម, និងទម្ងន់៥៧គីឡូក្រាម។
២. ម្ហូបដែល Uryū ចូលចិត្តគឺ ស៊ុបមីសូត្រីស្បៃកា ដែលចម្អិនខ្លួនឯង។
៣. Uryū ចូលចិត្តមើលកម្មវិធីរបស់ Don Kanoji គឺ "Bura-Rei"។ មិនត្រឹមតែប៉ុណ្ណោះគេថែមទាំងចូលរួមមើលការសម្ដែងផ្ទាល់នៅ Karakura Town ទៀតផង។ ពេលខ្លះគេចូលចិត្តនិយាយរឿងកំសត់ៗ។ ចុងកាល Uryū ក៏ងាយចាញ់ការបោកបញ្ឆោតរបស់គេផងដែរ។
៤. Uryū ស្អប់ការពន្យាពេល, ឡេវអាវ, និងពាក្យ "Haphazard/ដែលគ្មានរបៀប"។
៥. Uryū ចូលចិត្តស្លៀកពាក់អាវ (mantle) គ្របពីលើទោះបីជាវាគ្មានផលចំណេញអ្វីក៏ដោយក្រៅពីធ្វើឱ្យគេមើលទៅឡូយ។ ការស្លៀកពាក់បែបនេះធ្វើឱ្យគេមានភាពពិបាកក្នុងការប្រយុទ្ធ តែគេនៅតែពាក់វា។
៦. នៅក្នុង anime, សក់របស់ Uryū មានពណ៌ខៀវងងឹត។ ប៉ុន្តែក្នុង manga, សក់របស់គេមានពណ៌ខ្មៅរលោងវិញ។
៧. Uryū Ishida ត្រូវបានបញ្ចូលសម្លេងដោយ Noriaki Sugiyama, និង Takako Honda (ពេល Uryū វ័យក្មេង)។
៨. នៅក្នុងការប្រកួតរវាង Uryū និង Mayuri មានការផ្លាស់ប្ដូររវាង anime និង manga។ ក្នុង manga, ពេលដែល Mayuri ប្រើ Ashisogi Jizō របស់គេចាក់ Uryū, ដៃរបស់ Uryū ត្រូវបានដាច់។ តែក្នុង anime, ដៃរបស់គេគ្រាន់តែដាច់រយះបន្តិចតែប៉ុណ្ណោះ។
៩. នៅក្នុងការប្រកួតរវាង Uryū និង Ulquiorra ក៏មានការផ្លាស់ប្ដូរដែររវាង anime និង manga។ ក្នុង manga, ដៃរបស់ Uryū បានដាច់មួយចំហៀងបន្ទាប់ពីប្រយុទ្ធជាមួយ Ulquiorra។ តែក្នុង anime, ដៃរបស់ Uryū គ្រាន់តែមានស្លាកស្នាមប៉ុណ្ណោះ គ្មានបញ្ហាអ្វីនោះទេ។
១០. កាលនៅក្មេង Uryū រៀនកាន់ធ្នូ Quincy ពីលោកតារបស់គេ, Sōken Ishida។ ប៉ុន្តែឪពុករបស់គេ, Ryūken Ishida មិនពេញចិត្តនឹងគេដែលគេចង់ក្លាយជា Quincy នោះទេ។ តារបស់គេយល់ពីហេតុផលរបស់ Ryūken, ហើយសង្ឃឹមថា Uryū នឹងយល់អំពីវានៅថ្ងៃណាមួយ។
១១. តារបស់ Uryū Ishida គឺ Sōken Ishida, ត្រូវបានស្លាប់ក្នុងការប្រយុទ្ធជាមួយ Hollows, ដែល Shinigami មកជួយគាត់មិនទាន់ពេល។ បើតាម Mayuri Kartachi, គេបានប្រាប់ Uryū ថា គេបានពន្យាពេលឱ្យ Shinigami ទាំងនោះមកយឺត ដើម្បីឱ្យគេអាចប្រើព្រលឹងរបស់តា Uryū យកមកសិក្សាស្រាវជ្រាវ។ នេះជាមូលហេតុដែលធ្វើឱ្យ Uryū ស្អប់ Shinigami។
១២. Uryū Ishida គឺជាតួអង្គដ៏មានប្រជាប្រិយមួយនៅក្នុង Bleach។ នៅក្នុងការបោះឆ្នោតតួអង្គដែលមានប្រជាប្រិយភាពក្នុង Bleach ជាផ្លូវការណ៍ដែលអ្នកគាំទ្រពេញចិត្ត គេទទួលបានលទ្ធផលដូចខាងក្រោម ៖
- លើកទី១ បានចំណាត់ថ្នាក់លេខ៣ ជាមួយ ៣៣១០សម្លេង
- លើកទី២ បានចំណាត់ថ្នាក់លេខ៨ ជាមួយ ២៥០៩សម្លេង
- លើកទី៣ បានចំណាត់ថ្នាក់លេខ១៥ ជាមួយ ១៧៥២សម្លេង
- លើកទី៤ បានចំណាត់ថ្នាក់លេខ៥ ជាមួយ ៤៧១០សម្លេង
ចំណែកការបោះឆ្នោត Zanpakuto ៖
- ធ្នូ Ginrei Kojaku របស់គេទទួលបានចំណាត់ថ្នាក់លេខ១១
- អាវុធ Seele Schneider របស់គេទទួលបានចំណាតថ្នាក់លេខ២១
- ធ្នូ Kojaku ធម្មតារបស់គេទទួលបានចំណាត់ថ្នាក់លេខ២២។
នេះជា១២ចំណុចការពិតអំពី Uryū Ishida។ សង្ឃឹមថាអ្នកទាំងអស់គ្នាពេញចិត្ត។ អរគុណសម្រាប់ការអាន! សុំទោសរាល់កំហុសដែលខ្ញុំសរសេរខុសនៅក្នុងអត្ថបទនេះផង។ ព័ត៌មានខ្លះអាចបាត់មិនពេញលេញឬមើលមិនយល់ ព្រោះ Admin មិនទាន់បានបញ្ចប់ Bleach និងស្រាវជ្រាវមើលមិនសូវយល់។ Admin ត្រូវការជំនួយពីប្រិយមិត្ត Bleach ដើម្បីជួយដោយស្ម័គ្រចិត្ត ហើយអាចទំនាក់ទំនងមកកាន់ Page យើងបាន។ សុំប៉ុណ្ណឹង ចុច Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗទៀតនៅពេលក្រោយ!
អត្ថបទរៀបរៀង និងរក្សាសិទ្ធិដោយ Anime Lab Cambodia
