សួស្ដីប្រិយមិត្តទាំងអស់គ្នា! ថ្ងៃនេះយើងជួបគ្នាម្ដងទៀតជាមួយនឹងអត្ថបទថ្មី ដែលនិយាយអំពី ១២ចំណុចការពិតអំពី Nagato Uzumaki។ Nagato ជាតួអង្គ anime ដ៏កំសត់មួយនៅក្នុង Naruto។ ឥឡូវយើងនឹងស្វែងយល់បន្ថែមអំពីគេ!
១២ចំណុចការពិតអំពី Nagato Uzumaki ៖▪ ម្ហូបដែល Nagato ចូលចិត្តគឺត្រីអាំង និងសម្ល។ នាពេលទំនេរ គេចូលចិត្តហ្វឹកហាត់ប្រើយុទ្ធសិល្បិ៍ Ninjutsu។
▪ Nagato Uzumaki ជា Shinobi មកពី Amegakure។ គេមានឪពុកឈ្មោះ Fuso និងម្ដាយឈ្មោះ Ise។
▪ Nagato កើតនៅថ្ងៃទី១៩ កញ្ញា ក្នុងតារានិករ Virgo។ គេមានប្រភេទឈាម A, កម្ពស់១៧៥.៥ស.ម, និងទម្ងន់៤០.១គីឡូក្រាម។ Nagato បានស្លាប់នៅអាយុ៣៥ឆ្នាំ។
▪ កាលដំបូង Nagato តែងតែវាយនរណាដែលធ្វើបាបមិត្តភក្ដិរបស់គេ។ ប៉ុន្តែនាពេលគេជា Pain, មនុស្សដែលគេចង់វាយជាងគេគឺ Naruto Uzumaki (ជាពិសេសកញ្ជ្រោងកន្ទុយ៩នៅក្នុងខ្លួនគេ)។
▪ Pain ទាំងអស់មាន៦ ដែលគេហៅថា Six Paths of Pain ប៉ុន្តែតាមពិតមាន៧គឺ Nagato Uzumaki មួយទៀតដែលគេហៅថា Outer Path។ ដូចនេះទាំងអស់មាន Seven Paths of Pain។
▪ Nagato ជាតួអង្គមួយដែលបង្ហាញខ្លួនតិច នោះគេមិនសូវមានមុខមាត់ក្នុងការបោះឆ្នោតពីអ្នកគាំទ្រជាផ្លូវការណ៍នោះទេ។ នាពេលបោះឆ្នោតតួអង្គដ៏មានប្រជាប្រិយភាពក្នុង Naruto ជាផ្លូវការណ៍លើកទី៧ គេទទួលបានចំណាត់ថ្នាក់លេខ៥០ ជាមួយ១៩សម្លេង។
▪ អ្នកបញ្ចូលសម្លេងឱ្យ Nagato គឺ Junpei Morita និង Tomoaki Maeno (កាលនៅក្មេង)។
▪ ដោយធ្វើឱ្យបទក្នុងផ្ទៃរឿងគេស្រដៀងបទ "God/ព្រះ", បទក្នុងផ្ទៃរឿងរបស់ Nagato គឺ "Girei" ដែលសម្លេងបែបប្រមាញ់ជាមួយការសូត្រធម៌។
▪ Kabuto បាននិយាយថា Nagato គឺជាអ្នកខ្លាំងទី២ក្នុងចំណោមមនុស្សដែលគេបានធ្វើឱ្យរស់ឡើងវិញ។
▪ Nagato Uzumaki ចេះប្រើធាតុរបស់ chakra ទាំង៥ រួមទាំង Yang ផង។ គេចេះបែបនេះដោយសារតែ Rinnegan របស់គេ។
▪ ពាក្យដែល Nagato ចូលចិត្តនិយាយគឺ "The stars are hidden on a rainy night" (Yuya no hoshi) មានន័យថា តារាគឺបានពួននៅក្នុងរាត្រីដែលមានភ្លៀងធ្លាក់។ កាលនៅក្មេង គេចូលចិត្តនិយាយ "Growing Up" មានន័យថា លូតលាស់ធំឡើង។
▪ ឈ្មោះរបស់ "Nagato" មានន័យថា ទ្វារដែលបើកជារៀងរហូត។ ត្រកូលរបស់គេ "Uzumaki" មានន័យថា រាងគួច។ ឈ្មោះរបស់ Nagato អាចសម្ដៅទៅលើ Ninja ដ៏ល្បីល្បាញមួយឈ្មោះ Fujibayashi Nagato នៅអំឡុងសតវត្សទី១៦ ដែលគេស្ថិតក្នុង Iga Jonin ដ៏អស្ចារ្យទាំង៣។ ២ទៀតគឺ Hattoru Hanzo (អាចប្រភពនៃឈ្មោះ Hanzo) និង Momochi Sandayu (អាចប្រភពនៃឈ្មោះ Zabuza Momochi)។
នេះជា ១២ចំណុចការពិតអំពី Nagato Uzumaki។ សង្ឃឹមថាអ្នកទាំងអស់គ្នាពេញចិត្ត។ អរគុណសម្រាប់ការអាន! ចុច Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗទៀត។ ជួបគ្នាពេលក្រាយ!
អត្ថបទរៀបរៀង និងរក្សាសិទ្ធិដោយ Anime Lab Cambodia
