សួស្ដីមិត្តអ្នកអានទាំងអស់គ្នា! ថ្ងៃនេះ យើងជួបគ្នាជាមួយអត្ថបទថ្មី ដែលប្រធានបទនឹងនិយាយអំពី ចំណុចការពិត ទាំង១០ របស់ Sasuke Uchiha ។
១០ ចំណុចការពិតរបស់ Sasuke Uchiha▪ នៅពេលទំនេរ Sasuke ចូលចិត្តហ្វឹកហាត់ និងដើរលេង។ ម្ហូបដែល Sasuke ចូលចិត្តញ៉ាំជាងគេគឺ origini ជាមួយ okaka និងប៉េងប៉ោះ, ហើយម្ហូបដែលគេមិនសូវចូលចិត្តគឺម្ហូបណាដែលមានរសជាតិផ្អែម។
▪ Sasuke មានថ្ងៃកំណើត ទី២៣ ខែកក្កដា, ប្រភេទឈាម AB, និងទម្ងន់ ៥២.២ គីឡូក្រាម។ នៅក្នុងរឿង Naruto, Sasuke មានកម្ពស់ ១៥០ ស.ម, នាពេល Naruto Shippuden, Sasuke មានកម្ពស់ ១៦៨ ស.ម, និងក្នុងខ្សែភាពយន្ត The Last: Naruto the Movie, Sasuke មានកម្ពស់រហូតដល់ ១៨២ ស.ម ។
▪ Sasuke បានបំពេញបេសកកម្មជាផ្លូវការណ៍សរុបចំនួន១៦ ដែលនៅក្នុងនោះមាន
លំដាប់ថ្នាក់ D៖ ៧
លំដាប់ថ្នាក់ C៖ ១
លំដាប់ថ្នាក់ B៖ ២
លំដាប់ថ្នាក់ A៖ ៦
លំដាប់ថ្នាក់ S៖ ០
▪ នៅពេលប្រយុទ្ធជាមួយ Kage ទាំង៥, Sasuke មានអាយុត្រឹមតែ ១៦ឆ្នាំ ប៉ុណ្ណោះ។
▪ Masashi Kishimoto បាននិយាយថា Sasuke Uchiha ជាតួអង្គដែលលោកចូលចិត្តគូរជាងគេ ហើយក៏ជាតួអង្គដែលលោកពិបាកគូរជាងគេដែរ។
▪ ការរចនា Mangekyo Sharingan របស់ Sasuke មានលក្ខណៈពិសេសខុសគេ។ Mangekyo Sharingan របស់ Sasuke មានផ្ទៃខ្មៅ រួចរចនារូបពណ៌ក្រហម, ចំណែកឯ Mangekyo Sharingan របស់តួអង្គផ្សេងៗមានផ្ទៃពណ៌ក្រហម និងរចនារូបពណ៌ខ្មៅវិញ។
▪ Sasuke មិនដែលប្រើពាក្យតាមប្រពៃណីជប៉ុនរួមមាន chan, nisan, kun, sama, senpai, sensei ជាការគោរព ឬជាកិត្តយសដល់នរណាទេ លើកលែងតែ Itachi Uchiha, ឪពុកម្ដាយ, និងសមាជិកនៅក្នុងត្រកូល Uchiha ។
▪ Sasuke ជាតួអង្គប្រើប្រាស់ដៃឆ្វេង។ ប៉ុន្តែ គេចេះប្រើប្រាស់ដៃទាំងសងខាង។ Sasuke ប្រើប្រាស់ Chidori ដៃឆ្វេង និងប្រើប្រាស់ដាវដៃស្ដាំ។ នាពេលដែល លោក Hogoromo ឱ្យលើកដៃដែលមានអំណាចជាងដើម្បីទទួល chakra ព្រះពីលោក, Sasuke បានលើកដៃឆ្វេង។ ដូចនេះ Sasuke ជាអ្នកប្រើប្រាស់ដៃឆ្វេង។
▪ ពីដំបូង Sasuke Uchiha អាចនឹងមិនមានមុខនៅក្នុងរឿង Naruto ទេ។ ប៉ុន្តែ ក្រោយពីលោក Masashi Kishimoto បានពិភាក្សាយោបល់ជាមួយនឹងក្រុមការងាររបស់លោក, ក៏សម្រេចចិត្តបង្កើតតួអង្គប្រកួតប្រជែងសម្រាប់តួអង្គឯក។ ពេលនោះ Sasuke Uchiha ក៏ត្រូវបានបង្កើតឡើង។
▪ ឈ្មោះ Sasuke Uchiha ជាឈ្មោះពីឪពុករបស់លោក Hokage ទី៣ គឺ Sasuke Sarutobi ។ Sasuke Sarutobi ជាឈ្មោះសម្ដៅលើ ក្រុម ninja មួយដែលមានសមាជិក ១០នាក់ នៅក្នុងរឿងប្រឌិតរបស់ជប៉ុន ជាក្រុមដែលជួយប្រយុទ្ធជាមួយអ្នកដឹកនាំ Sanada Yukimura នៅឯប្រាសាទនាខេត្ត Osaka អំឡុងពេលសង្គ្រាមស៊ីវិលរបស់ជនជាតិជប៉ុន, ហើយ Sasuke Sarutobi ជាអ្នកប្រយុទ្ធដែលល្បីជាងគេ។
នេះជា ១០ចំណុច ការពិតអំពី Sasuke Uchiha ។ អរគុណសម្រាប់ការអាន, សង្ឃឹមថាអ្នកទាំងអស់គ្នាចូលចិត្តអត្ថបទនេះ! ចុច like page របស់ពួកយើងដើម្បីទទួលបានព័ត៌មាន ឬរឿងរ៉ាវផ្សេងៗទៀត! ជួបគ្នាពេលក្រោយជាមួយអត្ថបទបន្ទាប់!
អត្ថបទរៀបរៀង និងរក្សាសិទ្ធិដោយ Anime Lab Cambodia
