សួស្ដីប្រិយមិត្តអ្នកទាំងអស់គ្នា! ថ្ងៃនេះ យើងជួបគ្នាជាមួយប្រធានបទថ្មី ដែលនិយាយអំពី ១២ចំណុចការពិតអំពី Inoue Orihime នៅក្នុង Anime Bleach។ អត្ថបទអាចនឹងមានកំហុស ពីព្រោះខ្ញុំមិនទាន់បានបញ្ចប់ Bleach នៅឡើយ។ ប្រសិនជាមានអ្នកចង់ជួយខ្ញុំធ្វើអត្ថបទ Bleach អាចទំនាក់ទំនងមក Page យើងបាន! ឥឡូវនាំគ្នាមកមើលអត្ថបទទាំងអស់គ្នា!
១២ចំណុចការពិតអំពី Orihime Inoue
▪ Orihime ជាមនុស្សចូលចិត្តស្រមៃច្រើន។ នាពេលដែលនាងស្រមោលស្រមៃ ភាគច្រើននាងតែងនិយាយអ្វីប្លែកៗ។ ការស្រមោលស្រមៃរបស់នាងគឺចូលចិត្តតែគិតរឿងដែលយើងនឹកស្មានមិនដល់។
▪ អ្នកបញ្ចូលសម្លេងឱ្យ Orihime ជាភាសាជប៉ុនគឺ Yuki Matsouka។ នាងក៏ជាតួអង្គដែល Tite Kubo ពិបាកគូរមួយផងដែរ។
▪ Orihime ចូលស្លៀកសំពត់រូបផ្កាអាស៊ី។ នាងចូលចិត្តមើលកំប្លែង។ ម្ហូបដែលនាងចូលចិត្តគឺបឺរសណ្ដែកក្រហម និងចូលចិត្តលាបបឺរលើដំឡូងផ្អើម។ ហើយនាងចូលចិត្តម្ហូបប្លែកៗដែលនាងធ្វើផងដែរ។
▪ នៅក្នុង Manga ភ្នែក Orhime មានពណ៌ត្នោត ប៉ុន្តែដល់ពេលបង្ហាញខ្លួនក្នុង Anime ភ្នែករបស់នាងប្ដូរមកពណ៌ប្រផេះឬទឹកប្រាក់វិញ។
▪ Orhime កើតនៅថ្ងៃទី០៣ កញ្ញា ក្នុងតារានិករ Virgo។ នាងមានប្រភេទឈាម B, កម្ពស់១៥៧ស.មនៅថេរ, និងទម្ងន់៤៥គ.ក នាពេលបង្ហាញខ្លួនដំបូង, ឯក្រោយមកនាងមានទម្ងន់៤៩គ.ក។ មិនត្រឹមតែប៉ុណ្ណោះ ដើមទ្រូងរបស់នាងគឺរីកធំទៅៗ។
▪ Orihime មានតុក្កតាខ្លាឃ្មុំឈ្មោះ Enrico ( エンラク) ដែលឈានក្នុងការបោះឆ្នោតលើកទី១ជាផ្លូវការណ៍ពីអ្នកគាំទ្រសម្រាប់តួអង្គដែលពេញចិត្ត។ ខ្លាឃ្មុំនោះបានចំណាត់ថ្នាក់លេខ៥៣ ជាមួយការបោះឆ្នោត៥នាក់។
▪ Orihime Inoue ក៏ជាតួអង្គដ៏មានប្រជាប្រិយមួយដែរ។ ក្នុងការបោះឆ្នោតជាផ្លូវការណ៍ពីអ្នកគាំទ្រសម្រាប់តួអង្គដែលពេញចិត្ត នាងឈានមកដល់លេខ៥លើកដំបូង, ក្រោយមកលេខ១២, ហើយលេខ១០, និងចុងក្រោយលេខ៨។
▪ ប្រិយមិត្ត Bleach មួយចំនួនគិតថា Orihime ជាមនុស្សទន់ខ្សោយ ប៉ុន្តែនាងខ្លាំងជាងដែលអ្នកគិត។ Orihime មិនដែលហ្វឹកហាត់ប្រយុទ្ធអ្វីទាំងអស់។ Tatsuki បាននិយាយថាការប្រយុទ្ធរបស់នាងប្រៀបបានអ្នកប្រយុទ្ធខ្សែក្រវាត់ខ្មៅក្នុង Manga។ ប៉ុន្តែនាងត្រូវបានធ្វើឱ្យអន់នៅក្នុង Anime ដែលគេប្ដូរពាក្យ Tatsuki និយាយមកខ្សែក្រវាត់លឿងវិញ។
▪ នៅពេលដែល Nnorita ព្យាយាមធ្វើឱ្យ Orihime ស្ងាត់ក្នុងពេល Tesra ធ្វើទារុណកម្ម Ichigo, Nnorita បានយកម្រាមដៃលូកចូលក្នុងមាត់មិនឱ្យនាងនិយាយ។ ឯក្នុង Anime, គេគ្រាន់តែយកដៃបិទមាត់ធម្មតាតែប៉ុណ្ណោះ។
▪ ប្រិយមិត្ត Bleach ដឹងហើយថា Orihime ចូលចិត្តនិយាយពាក្យ "Kurosaki kun" ច្រើនមែនទែន, នាងនិយាយពាក្យនោះពេញមួយផ្ទៃរឿងលើសពី៨០០ដង, ហើយនិយាយពាក្យ "kun" លើសពី១០០០ដង។
▪ នៅក្នុង Manga បាននិយាយថា ឪពុករបស់ Orihime ជាអ្នកប្រមឹក ហើយម្ដាយនាងជាស្រីខូច។ ពួកគេតែងតែវាយកូននៅពេលដែលកូនយំ។ ដើម្បីសុវត្ថិភាព Orihime, Sora ដែលជាបងប្រុសនាងបីនាងរត់ចេញដែលគេជាអ្នកចញ្ជឹម។ តែក្នុង Anime បាននិយាយថា ឪពុកម្ដាយពួកគេបានបោះបង់ពួកគេចោលនាពេលដែល Sora អាយុ ១៨ឆ្នាំទៅវិញ។
▪ Orihime Inoue ចុងក្រោយរៀបការជាមួយ Ichigo Kurosaki ដែលមាន Kazui Kurosaki ជាកូន។ កូនរបស់គេក៏ចង់ក្លាយជា Shinigami តាមឪពុក។
នេះជា១២ចំណុចការពិតអំពី Orihime Inoue។ សង្ឃឹមថាអ្នកទាំងអស់គ្នាពេញចិត្ត។ អរគុណសម្រាប់ការអាន! សុំទោសរាល់កំហុសដែលខ្ញុំសរសេរខុសនៅក្នុងអត្ថបទនេះផង។ ព័ត៌មានខ្លះអាចបាត់មិនពេញលេញឬមើលមិនយល់ ព្រោះ Admin មិនទាន់បានបញ្ចប់ Bleach និងស្រាវជ្រាវមើលមិនសូវយល់។ Admin ត្រូវការជំនួយពីប្រិយមិត្ត Bleach ដើម្បីជួយដោយស្ម័គ្រចិត្ត ហើយអាចទំនាក់ទំនងមកកាន់ Page យើងបាន។ សុំប៉ុណ្ណឹង ចុច Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗទៀត។ ជួបគ្នាពេលក្រាយ!
អត្ថបទរៀបរៀង និងរក្សាសិទ្ធិដោយ Anime Lab Cambodia
