សួស្ដីមិត្តអ្នកអានទាំងអស់គ្នា! ថ្ងៃនេះ យើងជួបគ្នាម្ដងទៀតជាមួយនឹងអត្ថបទថ្មី ដែលនិយាយអំពី ១០ចំណុចការពិតអំពី Temari Nara។ យើងស្គាល់ហើយ Temari គឺជាតួអង្គ Kunoichi នៅក្នុងរឿង Naruto ដ៏ Badass ម្នាក់ដែលមានអ្នកក៏គាំទ្រក៏មិនតិចដែរ។ ឥឡូវយើងដឹងស្វែងយល់ពីចំណុចខ្លះៗអំពីនាងដែលយើងមិនដែលបានដឹង។
១០ចំណុចការពិតអំពី Temari Nara ៖
▪ បើយោងតាមសៀវភៅកំណត់ត្រា
- Temari ចូលចិត្តដើរមើលរុក្ខជាតិតាមតំបន់ផ្សេងៗ។
- Temari ចង់ប្រកួតជាមួយ Shikamaru ឡើងវិញ។
- Temari ចូលចិត្តញ៉ាំកៅឡាក់ផ្អើម និងស៊ុប Kenchin, ឯអាហារដែលនាងមិនសូវចូលចិត្តគឺត្រីមឹក និងមឹក។
- Temari បញ្ចូលសម្លេងដោយ Romi Park ក្នុងភាសាជប៉ុន។
▪ អត្រាសរុបជាមធ្យមនៃការបោះឆ្នោតឱ្យតួអង្គក្នុងរឿង Naruto ដែលអ្នកគាំទ្រពេញចិត្តជាផ្លូវការណ៍, Temari ស្ថិតក្នុងលំដាប់លេខ១៤។ នាងពិតជាមានប្រជាប្រិយភាពខ្លាំងមែនទែន។
▪ Temari មានថ្ងៃកំណើត២៣ សីហា ក្នុងតារានិករ Virgo។ នាងមានប្រភេទឈាម O, កម្ពស់១៧០ស.ម, ទម្ងន់៤៧.៩គីឡូក្រាម។
▪ Temari បានបំពេញបេសកកម្មសរុបចំនួន៤២ ដែលក្នុងនោះមាន ៖
- លំដាប់ D ចំនួន ០
- លំដាប់ C ចំនួន ៩
- លំដាប់ B ចំនួន ១២
- លំដាប់ A ចំនួន ២០
- លំដាប់ S ចំនួន ១។
▪ ឈ្មោះ “Temari” (手まり) គឺឈ្មោះបាល់ម្យ៉ាងរបស់ជប៉ុនដែលដេរដោយដៃ។
▪ ដោយសារ Temari ស្ថិតក្នុងគ្រួសារ Kazekage, នាងមានការលំបាកក្នុងការបង្កើតមិត្តភក្ដិ ព្រោះគេខ្លាចពូជពង្សញាតិសន្ដានរបស់នាង។ ប៉ុន្តែនាងនៅតែមានមិត្តភក្ដិនៅក្នុងកុមារភាពដូចជា Daimaru, Sen, Yome, និងមិត្តភក្ដិផ្សេងទៀត។
▪ ស្ថិតិរបស់ Temari នៅក្នុងសៀវភៅទិន្នន័យគឺបានអត្រាកម្រិត ២៤.៥/៤០, ជាមួយនឹងការប្រើយុទ្ទសិស្ប៍ Ninjutsu ៤/៥, ការប្រើក្បាច់គុណ Taijutsu ២.៥/៥, ការប្រើប្រាស់ Genjutsu ១.៥/៥, ភាពវៃឆ្លាត ៤/៥, កម្លាំង ៣.៥/៥, ល្បឿន ៣/៥, ភាពកំណត់នៃអានុភាព ៣/៥, និងល្បឿននៃដៃក្នុងការប្រើក្បាច់ ៣/៥ ។
▪ ឃ្លាដែល Temari ចូលចិត្តនិយាយគឺ ៖
- “Sharpen your sickle at sunset” (夕焼けに鎌をとげ,Yūyake ni kama o toke) "សម្លៀងកណ្ដៀវរបស់អ្នកនៅថ្ងៃលិច" ។
-“One view, a thousand ri” (一望千里,Ichibō Senri) "មើលមួយដង, ឃើញបាន១០០០រី " (រីជាខ្នាតវាស់ប្រវែងពីបុរាណរបស់ជប៉ុន) ។
▪ Temari គឺជាអ្នកវិភាគដ៏មុតស្រួច ដែលនាងអាចសន្និដ្ឌានយុទ្ធសាស្ត្រនិងចំណុចខ្សោយរបស់សត្រូវយ៉ាងឆាប់រហ័សបន្ទាប់ពីការប្រកួតបានចាប់ផ្ដើម។ អំឡុងពេលការប្រកួតក្នុងប្រឡង Chūnin, Temari បានគណនាចម្ងាយនៃភាពកំណត់នៃស្រមោលរបស់ Shikamaru យ៉ាងងាយ ហើយប្រយុទ្ធក្នុងចម្ងាយដែលស្រមោលឈោងមិនដល់។ ដោយឃើញការប្រកួតរបស់នាងជាមួយ Shikamaru , Asuma ដែលជា Jonin បានលាន់មាត់សរសើរនាងថាជា "អ្នករៀបចំយុទ្ធសាស្ត្រដ៏ល្អប្រសើរ" ម្នាក់។
▪ Temari មានសមាជិកគ្រួសារដូចតទៅ ៖
- Rasa (ឪពុក)
- Karura (ម្ដាយ)
- Gaara និង Kankurō (បងប្អូនប្រុសបង្កើត)
- Shinki (ក្មួយចិញ្ជឹម)
- Shikadai Nara (កូនបង្កើត)
- Yashamaru (ពូ)
- Shikamaru Nara (ប្ដី) ។
ដោយនាងរៀបការជាមួយ Shikamaru ហើយប្រសិនជា Gaara និង Kankurō គ្មានកូនទេនោះ, Shikadai ដែលជាកូនរបស់ Temari មកពី Hidden Leaf អាចជ្រាជ្រែកតំណែង Kazekage។ ការធ្វើបែបនេះធ្វើឱ្យមិនមានការពេញចិត្តពីសំណាក់ប្រជាជនមកពី Hidden Sand ទើបក្រោយមក Gaara រើសកូនមកចិញ្ជឹមគឺ Shinki និងកូនចិញ្ជឹមពីរនាក់ទៀត។
នេះជា ១០ចំណុចការពិតអំពី Temari Nara។ សង្ឃឹមថាអ្នកទាំងអស់គ្នាពេញចិត្ត។ អរគុណសម្រាប់ការអាន! ចុច Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗទៀត។ ជួបគ្នាពេលក្រាយ!
អត្ថបទរៀបរៀង និងរក្សាសិទ្ធិដោយ Anime Lab Cambodia
