សួស្ដីមិត្តអ្នកអានទាំងអស់គ្នា! នេះជាកាលវិភាគ Boruto: Naruto Next Generations ខែកញ្ញាដែលយើងមាន។ មុននឹងអានវា គួរដឹងថាអត្ថបទខាងក្រោមនេះគឺមាន SPOILERS! បើមិនចង់អានប៉ះ SPOILERS, អាចមើលតែកាលបរិច្ឆេទនិងចំណងជើងបានហើយ។
Arc Naruto Gaiden ទើបតែបញ្ចប់ទេ។ រឿងរ៉ាវនឹងចូល arc ថ្មីដែលនិយាយពីដំណើរកម្សាន្តនៅ Hidden Mist វិញម្ដង។ Arc ថ្មីនេះ ពួកយើងមិនដឹងថាវានឹងបញ្ចប់ពេលណានោះទេ។ ចង់ដឹងថាមានរឿងរ៉ាវអ្វីថ្មីដែលនឹងកើតឡើង សូមមកអានកាលវិភាគខាងក្រោម។
កាលវិភាគ Boruto: Naruto Next Generations ក្នុងខែកញ្ញា ៖
▪ វគ្គទី២៤ (១៣ កញ្ញា)《Boruto and Sarada - Boruto និង Sarada》
Kage ទាំង៥ គាស់ហៅមកប្រជុំនៅ Hidden Leaf ដែលនិយាយអំពីបញ្ហានឹងត្រូវកើតឡើងទៅថ្ងៃមុខ។ ចំណែកឯ Sarada បានសម្រេចចិត្តចង់ក្លាយជា Hokage ហើយក៏ប្រឹងហ្វឹកហាត់ជាមួយ Sharingan របស់នាង។ Boruto នៅតែបន្តធ្វើរឿងដដែលៗ ដែលគេឡើងទៅលាបពណ៌រូបចម្លាក់ Hokage ដែលធ្វើឱ្យដាច់ការប្រជុំ Kage ទាំង៥។
▪ វគ្គទី២៥ (២០ កញ្ញា)《The Field Trip of Ups and Downs!! - ដំណើរកម្សាន្តឡើងចុះៗ!!》
Boruto និងមិត្តរួមថ្នាក់របស់គេធ្វើដំណើរទៅទឹកដីទឹក (Water Country / The Land of Water) ក្នុងភូមិ Hidden Mist។ ដោយមានការនាំផ្លូវដោយ Kagura Karatachi, Boruto និងមិត្តភក្ដិរបស់គេសឹងតែមិនជឿពីប្រវត្តិសាស្ត្រប្រទេសនេះដែលធ្លាប់ពោរពេញទៅដោយឈាមនាពេលដែលក្មេងៗជំនាន់មុនវាយគ្នាស្លាប់អស់។ ហើយ Shinobi ទាំងនោះក៏មិនពេញចិត្តស្ថានភាពទាំងនេះដែរ។
▪ វគ្គទី២៦ (២៧ កញ្ញា)《The Mizukage's Successor - អ្នកស្នងតំណែង Mizukage》
Boruto និងមិត្តរួមថ្នាក់របស់គេនៅតែបន្តដំណើរកម្សាន្តជាមួយ Kagura រួមទាំង Mizukageទី៦ ផង។ នៅ Hidden Mist មានការបង្រៀនប្រើប្រាស់ដាវជាច្រើនដែលធ្វើឱ្យ Boruto ចាប់អារម្មណ៍ទៅលើមេរៀនទាំងនោះ។ បន្ទាប់មក Boruto សុំសាកល្បងវាយជាមួយ Kagura ពី Chojuro។
▪វគ្គទី២៧ (០៤ តុលា)《The Shinobi Bout of Friendship - ការប្រយុទ្ធរបស់ Shinobi នៃមិត្តភាព》
Tsuruchi Hachiya ដែលធ្លាប់ជាមិត្តរួមថ្នាក់ Kagura នាពេលសិក្សានោះ បានធុញទ្រាន់នឹង Boruto ដោយសារភាពរញ៉េរញ៉ៃរបស់គេ ហើយគេក៏ចង់កម្ចាត់ Boruto និងមិត្តភក្ដិរបស់គេចេញដោយចាប់ជំរិត Denki។ Boruto និងមិត្តភក្ដិរបស់គេបានទៅជួយ Denki ជាមួយ Kagura ហើយធ្វើដំណើរឆ្ពោះទៅរក Hachiya។ ការប្រកួតនៃមនុស្សជាច្រើននាក់ក៏កើតមានឡើង។ គ្រានោះ អាថ៌កំបាំងរបស់ Kagura ដែលបានបិទបាំងបានបង្ហាញឡើង។
សម្គាល់: កាលបរិច្ឆេទខាងលើគឺត្រឹមត្រូវដូចការកំណត់។ ប៉ុន្តែចំណងជើងអាចនឹងផ្លាស់ប្ដូរនៅពេលរឿងចេញផ្សាយជាផ្លូវការណ៍ដោយ Viz Media ។
អរគុណអ្នកទាំងអស់គ្នាសម្រាប់ការអាន។ សង្ឃឹមថាអ្នកទាំងអស់គ្នាពេញចិត្ត។ តាមដាន Blog និង Like Page របស់ពួកយើងដើម្បីទទួលបានព័ត៌មាន និងរឿងរ៉ាវផ្សេងៗបន្ថែមទៀត។ ជួបគ្នាពេលក្រោយ!
អត្ថបទរៀបរៀង និងរក្សាសិទ្ធិដោយ Anime Lab Cambodia
